عبدالسلام بوجلاوي //
حاجر وماعندي غرض فالحجرة
صابر وصبري عالمصايب بجره
كارس وماعندي غرض فالكرسه
كيف كرستك من شي جانا حرسه
قبل السفينه ما أتجي للمرسه
ماحد يفكر في مكاسب تجرة
وبالك أتكون ألها العالم قرسه
وحكا أتبين فالذهب مالفجرة
أن طال الجدب مي كل غرسا غرسا
أتموت مالعطش شجرة وتصمد شجرة
...............................
الشاعر سالم خميس العوكلى //
قاعد اومانيتي غرض فاالقعده...
اوحامل بلا الصاحب اوراضي بعده...
ونشوف في خلايق خايفه مرتعده...
ناسيين في الزمان الغبر
ياما يجرا...
اوفيهم اللى ماخاف
ربي وعده...
سلبي معا وطنه
ابجيب الهجرة .
..............................................
عبدالله بوقبال //
طامر وماعندي غرض في الطمرة ...
امغير امر
م الوالي ونا تحت امره
لالي شواهي يرتعن ع القمره ...
ولاني وكيل
مخوجين الهجره
عقابها ايولي بدن والاضمرة...
الناس ما تحاسبني علي ما يجرا
ناكل الحشف نرجا اطياب التمره ..
ونجزي علي جية الما للمجرى
........................
سليمان العريضه العريضه //
احذا الوليه......
كارسين ياصاحب مساوعشيه
رفقة اجواد ودوته مرخيه.....
واكبر علامه كل حد له حجره
وعلى كل حاجه ناصبين لويه.....
متخاصمين صارت في رفقنا هجره
ومالمعصده يالخ والصونيه....
لليوم في
راسي اطناشر نجره
وخلك من سريب النت والمرئيه....
اعلام ممتلص والصادقه منحجره
........................
حمدالله الجبيهي //
حاجر وما نيتي اقعاد وقاعد
ونقدر انخالط دوج توا ماعد
نين خنطقيرة هالوبا اتباعد
الحمد لله ع الحال مهما يجرا
لوكانه عدو يقرع بقو الساعد
والله اجليان ان كان تنفع هجرة
بلا فيه ماينفع ادفاع قواعد
امفات لخياشيمك تسد المجرا
بلا غير ببشاره الامه واعد
نذير للفهيم وكل صابر بأجره
الضال ع الضلال ان حسبه ايتقاعد
فراز الاثمار الناضجه م العجره
الحاصل بها الايام ماعد ناعد
بملقااا ولانبي عمل لا تجرا
دون هلي متسكر بجيش امساعد
بقوة ضلام الليل بشرة فجرة
......................
حسن ابوعقيله
احمد //
كارس وماسك
بيتي....
ومالي غرض
نحجر ولاي في نيتي....
وامغير خوف
يا صاحب على دريتي....
والي صار
في العالم عطاني عبرا....
امع الناس
تمت بي اليدين تحيتي....
وانكمل سلامي
من بعيد ابنظرا.....
واخد اكتب
الله هو نظريتي....
والي نعمل
من خير ناخد اجرا....
ويالله حقق
غايتي ومنيتي.......
بعد الظلام
النور يبزق فجرا......
................................
منصور بورميله الفاخري //
حاجر مع واشوني...
لاعاد نمشي
لاالناس يجوني .
ولانطول فى لقصي ولا فالدوني
وغيابي علي لصاحب راه بعذرا
امطبق قرار الحظر وين نهوني
ولاة الامر مايريدوا هلاكي يجرا
طالب الله الكريم رب الكوني
يحفظ بلادي مالوباء والغدرا
.......................
عياد صالح عياد //
عليه حجرنا توا اجبرنا جبر..
وكبار المصايب نهلبو بالصبر..
ومواير نهاية وقت تمه غبر..
ونتمت صحيح يالعقل ياما يجرا..
إرسال تعليق