-->

اخر الاخبار

جاري التحميل ...

يا طرابلس قوليله .. الشاعر سعد العمروني


يا طرابلس قوليله .. انتي العاصمه ما عندنا تبديله .. ليبيا واحده 


يا عروس بحرنا ..... انتي العاصمه انريدوك ما غيّرنا 

علي حكم طاغي هكذي .. صغّرنا كمل نفطنا وانتي حذاه هزيله

لو كان زدنا عام راه كفرنا .. ولفظة آله الشعب راحت عطيله

حتي بالعزا مسّع جبر خاطرنا .. ورد الكفَي ناويلنا تقتيله
وهازي علينا وين حس خطرنا .. شحات رمز كارس ما معاه قبيله
ونحنا بالدموع وبالقلوب سهرنا .. الله يفرحك كي ما فرحنا الليله
ومعاك في الجوامع وين ما كبّرنا .. دعينا الله يخلصك من ويله


يا طرابلس يا درّه  .. انتي العاصمه انريدوك تبقي حرّه 

من حكم طاغي يخلصك من شرّه .. الله القوي العزيز غير ادعيله

اما يمتسك باليد ياخذ كرّه .. في وسط الشوارع يضربوه العويله
والا طائره يركب ويهرب برّا .. كيف بن علي غير هيت من يوميله



يا عاصمة دولتنا .. ليبيا واحده ما نفرقوا كلمتنا
ينصرنا الله ونرفعوا رايتنا .. فوق سماك الزاهيه الجميله



قولي لبو قرجوطه .. علي شعبنا ماعاد يرفع صوته 
سوريته علينا باينه مشروطه .. ويهدّر وغير عياط ماله حيله



قوليله عليش يعارك ..  ما تقول شي نظر لا بن علي لا مبارك
 تيار نار الشعب كله شارك .. نين يجرفه ماعاد يوقف سيله

يا طرابلس قوليله .. انتي العاصمه ما عندنا تبديله .. ليبيا واحده 




التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

يتم التشغيل بواسطة Blogger.

جميع الحقوق محفوظة

خواطــر ليبي

2016