كمين هم كتمه ..
لا راق حاله لا الحظ خدمه .. مكسور خاطري
لا راق حاله لا الحظ خدمه .. مكسور خاطري
وكم كواين اللي في الخفا واللي عليكم باين
وهم التريس اللي عليهم هاين وهم عمر ما ضني عليه طعمة
وميلة الحال وزاد وجهي الشاين وأفكار عقل متصوحب وضاق علمه
وقهر الصاحب وين يطلع خاين قدامك بحاري ومن وراك جلمة
كمين هم وياس أنهانل أكداس متلتلات أكداس
سبحانه اللي خالق أصناف الناس فيهم اللي ربي بخير أنعمه
رباية عصر ومو رباة أنجاس زمانه علي عزة النفس فطمة
تلقاه ع الصاحب يبيع الراس وما يخذله مهما الوقت ظلمه
وهناك من يبيع صاحبه بوكاس حتى لو حماه وقدره وكرمه
وهناك من يصبر أنكان أنهاس وهناك من يرفس نعمته بقدمه
خطرها الا همي وضيق أنفاس وأحوال خاطري هللي الوقت صدمه
ياما نظر منه وياما قاس رازيه ومن لذة النوم حرمه
وهم التريس اللي عليهم هاين وهم عمر ما ضني عليه طعمة
وميلة الحال وزاد وجهي الشاين وأفكار عقل متصوحب وضاق علمه
وقهر الصاحب وين يطلع خاين قدامك بحاري ومن وراك جلمة
كمين هم وياس أنهانل أكداس متلتلات أكداس
سبحانه اللي خالق أصناف الناس فيهم اللي ربي بخير أنعمه
رباية عصر ومو رباة أنجاس زمانه علي عزة النفس فطمة
تلقاه ع الصاحب يبيع الراس وما يخذله مهما الوقت ظلمه
وهناك من يبيع صاحبه بوكاس حتى لو حماه وقدره وكرمه
وهناك من يصبر أنكان أنهاس وهناك من يرفس نعمته بقدمه
خطرها الا همي وضيق أنفاس وأحوال خاطري هللي الوقت صدمه
ياما نظر منه وياما قاس رازيه ومن لذة النوم حرمه
صايف حاله وناظر كواين في خفا وقباله
ألا الوقت شين وكل يوم بداله وكم وجه طيب بالتراب ردمه
مثل للشهامة ويشهدوا رجالة وكم ضيف في رقة الحال عزمه
ألا الوقت شين وكل يوم بداله وكم وجه طيب بالتراب ردمه
مثل للشهامة ويشهدوا رجالة وكم ضيف في رقة الحال عزمه
عزيز نفس ما يرضى اللي بطاله ولسانه علي قول الرزيل لجمه
وين انتهى عمره وجا ميجاله طونه لاحايد وضلام عتمه
وميط من العرب تلقاه داير هاله هزاي ويديرك غبي و دلمه
وهو وين ما ميعد مع عقاله يبانن عواره وخيبته وغشمه
وفي يوم الرخا هابه علي مواله ويوم البلا يدنقر ويفتح فمه
وما من خواجة زاييطين عياله أدلل دلال والدلال بشمه
بعد عز غربته اللي مياله وبوقة علي وجهه الوقت لطمه
وتما بعد روق زها ودلاله قاصر علي قوته ولبس هدمه
خطرها الخاطر قصته وأحواله وهـ الوقت هللي ما لغاه فهمه
مدردر سماه وما الجو صفاله ولا راق لا هبن هبوب نسمه
ودايل عليه الهم ضيق باله ومن دون جبله شيبه وهرمه
وصابر وكاتم كل ما يجراله وراضي بما كتب الله قسمه
الا الجايزة عنده الله تعالى أنكان هو في يوم الحساب رحمه
وين انتهى عمره وجا ميجاله طونه لاحايد وضلام عتمه
وميط من العرب تلقاه داير هاله هزاي ويديرك غبي و دلمه
وهو وين ما ميعد مع عقاله يبانن عواره وخيبته وغشمه
وفي يوم الرخا هابه علي مواله ويوم البلا يدنقر ويفتح فمه
وما من خواجة زاييطين عياله أدلل دلال والدلال بشمه
بعد عز غربته اللي مياله وبوقة علي وجهه الوقت لطمه
وتما بعد روق زها ودلاله قاصر علي قوته ولبس هدمه
خطرها الخاطر قصته وأحواله وهـ الوقت هللي ما لغاه فهمه
مدردر سماه وما الجو صفاله ولا راق لا هبن هبوب نسمه
ودايل عليه الهم ضيق باله ومن دون جبله شيبه وهرمه
وصابر وكاتم كل ما يجراله وراضي بما كتب الله قسمه
الا الجايزة عنده الله تعالى أنكان هو في يوم الحساب رحمه
( محمد عبدالقادر بوحويش)