-->

اخر الاخبار

جاري التحميل ...

مالي افداء تلقيه ... بوبكر بوحويه


مالي أفدا تلقيه،،، دللتك دلال كبير بوزعتيه، أنتي الخاسره ....

من هو اللي يفداني،،،، أومن هو اللي درتيه غالي ثاني....
أومن هو اللي واطا غلاي أوشاني ،،، في أنظرك ياريدي أللي درتيه....
أومن هواللي واخذ اليوم مكاني ،،، أومن هواللي هو مطرحي ماليه....
أريد نعرفه لين خلايق داني ،،، وامنين جلاوي ياعلم جبتيه ....
وأنكانك أتقولي مابشر غالاني ،،، من غيرك عليش العقل عوزتيه....
أونا ويش داير شنو اللي شواني ،،، أو شوا غلا للياس خليتيه... 

خطاك هواللي هيض اليوم مكاني ،،، أوعطيب العرب م الناس شمتيه ....
فيا أونا مو هضا شي حسباني ،،، حاسب أحسابك ماخطا تاطيه....
وأبقي نين عاجز على الكلام ألساني ،،، أبفعلك أللي درتيه لكنتيه....
أوناقبل نرضخ تحت نار حناني ،، أوجميع ما أتريدي في الحياة أنلبيه....
أساع تندمي بكره أونا بركاني ،،،أنوض نين ماتلقي أمنين أتجيه....
وأنقولك بلاك أوبيك باني؛ باني؛ ،،، بيتي أللي بالزور طيحتيه ....

مالي أفدا ياشوعه ،،،، الخاطر أللي درتي لحوم أظلوعه....
من نارك اللي يمسى عليها يوعى ،،،، أوجرحك اللي بيها أداوي فيه .....
أوحامل علي شانك أمرار اللوعه ،،،، واللي تقهرا أو ترضيبها ترضيه ....
حطيتي أمنيدك فيد ياس أسروعه،،، عنك بعيد صحيح موحتيه ...
بلا اسباب شطبتي علي موضوعه ،،، علي قلب غافل غر فاجيتيه ....
خطاك هو اللي هيض العقل أدفوعه ،،،، والها الوقت ماصدق أولكن ييه ...
حتى أنكان كابر سايلات أدموعه،،،، عليما جحد هيص خطاك عليه ....
واللي دردراته دايرك مشروعه ويحسابك علي واجد غرض تغنيه....
أوفي أمعاك فياما أتجي في طوعه ،،، أوين ما أتحطي خاطري تلقيه ...
أمغير ويش تبي عيشك دلوعه ،،، علي أرضاك يجنى في غضب ولديه ... 

( مالي أفدا تلقيه دللتك دلال كبير بوزعتيه ،،، وأنتي الخاسره)


زنوبيا الشهــيبييقول...

السلام عليكم
ايش معنى شوعة ؟؟؟

بس كيف ما يقولو قوية القصيدة بس اول مرة نسمع بيه الشاعر هذا؟؟

نتابع فبو عياد الابيار بس ××

لي متابعة :)

tobrukيقول...

أيش معنى شوعة ... بصراحة مش عارف ... يعني ما ألقيتي غير الكلمة هذي تسألي عليها هههههههههههههههه

عموما انحاول نعرف معناها . تحياتي

سالميقول...

شوعة طرف بمعنى الحديث 😍😍 اكفيك الرد يا محمد عبدالقادر بوحويش

Unknownيقول...

اسلمت اسلمت

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

يتم التشغيل بواسطة Blogger.

جميع الحقوق محفوظة

خواطــر ليبي

2016