يام العيون الحور / للشاعر الشعبي مفتاح الفالح

******
يام  العيون الحور .. نا بدوي وأنت من قضا الحضور .. بلاش م الغلا

………

.. ياسمحة التهميدة .. متخالفـــــــين رانا من أسباب عديدة
 أنت من بنات رباة عـيــت احميدة ….ونا بدوي لا في ع البلاد انـــدور
 قضيت الطفولة في ظروف شديدة… ولا في شبابي شــــفت يوم اسرور 
شــــقي من خــطا ليام والتعقيدة … قلـــــيل الهـــنا نوعا معا الفـــــجور
وما يهمــني وانت عروس جديده … ع النوم والكــساد انديرلك طرطور

 أنت خذيـــتي ع الحــــياة السعيدة … معا بوك عــــندك هانيه لامــــــور 
 وعــنده عليك حنان وتفدفـــــيده…… اتكـــــحي احذاه يجيـــبلك دكتور
 وكل عـــام لاثيــنا يشـــيلك بيده… في صيــــفها تقـــضي ثلاث اشـهور
 دلال علــمك ع الدلع والتجعـــيده… اللي تطلبــــيه اينـــفذه مامـــــــور
ونا بدوي شاعث مونتي العصيده ….. وتـمر وحلـيب وخبزة التــــنور 
بالله نـــين نبـــقوا في بلاد بعيده…. ويــــــــــــــــن نلـــــقالك البيتـــــفور

يا دلـــــــــــــــــــــــــــــــــــــــــوعه … مليت م الخداع ومن مرار اللوعه
غلاك مفروض ينتهى قبل اسبوعه …. وانــكان هو طـــــــول علي ايجور
وان دامـن اقسامي ف الغلا طبوعه …  بـعد ايـــــــــــــام تلقيني بروفسور
واندرس علي طلاب في ميضوعة  …واندير معهد عالي للبكا مشهور
والطالب ايجي شايل معاه ادموعه .. لشروط القـــــــــبول الحب عندا دور

واهناك فرق بين ابكاه ف المربوعة .. وابـكا ف الخلا وابـــكاه للجمهور
يام العيون الحور .. نا بدوي وانت من قضا الحضور .. بلاش م الغلا

ليست هناك تعليقات: