ياعزيز ماظنى خطاء درنالك...
حتى امجامله رحب وقول اشحالك
مد اليمين وسلم ..
وأنكان لازمك شوري كلام تكلم
خير من قعادك أمغير أمبلم ..
لا تقول تعرفني ولا ندمالك
ولا بينا ساير نهار مظلم ..
ولا تسالني ولا نا بدين نسالك
بوعقل ديمة في الغشيم أيعلم ..
سبحان من أمغير حالنا وأحوالك
ماخطاء فى ظنى ...درنا معاكم ياعزيز تعنى
ولا طاف فى فكرى اعيوب ايجنى...منك ونا مادرت ولا نرضالك
ايجنك مواجع عـــ السمع مو منى ...راجع احسابك قبل ما نسوالك
عزيز نفس ولي زين العزاز انغنى ...وما نيش كيف من طرف الحرير لوالك
ومانى قليل العرف ويجرنى...دروب العوج ولقيت من يفتالك
**
ماخطاء لاعيبه.. ولافى طرفكم نقبلو العطيبة
وان كان لك عتب واتى علينا جيبه...ولا اتجيب خراب الغلا يسعالك
مساعى بناهن عــ الصفاء والطيبة...نضيفة وهن مثيل بـ ليالى عابرا رسالك
كيف من ايبيت فى الذراه زبيبة...هديم جرهم خايف الساع يبقالك
وكيف من عدوا جاب ايريد طبيبه...ايريد الشفاء وانت اتريد منالك
وان كان تنهدا درب العداوا سيبه...ويدك اليمنة مدها انشالك
سلامى رده... وان كالك عتب واتى علينا عدا
وان كان لك سبايب فى خراب امسدا...الله والنبى عنى سوق ارحالك
القيتنى ارهيف قلب ماانتحدا ...فيك الهلايع وهن اسرار جمالك
امعاهن سرحت اسروح للى مده...وقول خاطرى نادر قليل امثالك
وقول خاطرى والعقل باعد مدا ...وعدن معاييرك وصاغ مقالك
معيارك ذهب زينك الزين تعدا...وان شاورتنى نرجاء بزوغ اهلالك
ماني خاطي .. معاك يا عزيز وما نفضت أرباطي
ولا أديرلي بين العباد طواطي .. خليهن معانا واضحات علالك
وقرب أنحطو على الحروف نقاطي .. والزايد أنشيلو ما أيجي في بالك
بو عقل ما يخطى معاه الخاطي .. وبوجال لا ترمي عليه جلالك
ياعزيز ماظنى خطاء درنالك... حتى امجامله رحب وقول اشحالك
حتى امجامله رحب وقول اشحالكمد اليمين وسلم ..
وأنكان لازمك شوري كلام تكلم
خير من قعادك أمغير أمبلم ..
لا تقول تعرفني ولا ندمالك
ولا بينا ساير نهار مظلم ..
ولا تسالني ولا نا بدين نسالك
بوعقل ديمة في الغشيم أيعلم ..
سبحان من أمغير حالنا وأحوالك
ماخطاء فى ظنى ...درنا معاكم ياعزيز تعنى
ولا طاف فى فكرى اعيوب ايجنى...منك ونا مادرت ولا نرضالك
ايجنك مواجع عـــ السمع مو منى ...راجع احسابك قبل ما نسوالك
عزيز نفس ولي زين العزاز انغنى ...وما نيش كيف من طرف الحرير لوالك
ومانى قليل العرف ويجرنى...دروب العوج ولقيت من يفتالك
**
ماخطاء لاعيبه.. ولافى طرفكم نقبلو العطيبة
وان كان لك عتب واتى علينا جيبه...ولا اتجيب خراب الغلا يسعالك
مساعى بناهن عــ الصفاء والطيبة...نضيفة وهن مثيل بـ ليالى عابرا رسالك
كيف من ايبيت فى الذراه زبيبة...هديم جرهم خايف الساع يبقالك
وكيف من عدوا جاب ايريد طبيبه...ايريد الشفاء وانت اتريد منالك
وان كان تنهدا درب العداوا سيبه...ويدك اليمنة مدها انشالك
سلامى رده... وان كالك عتب واتى علينا عدا
وان كان لك سبايب فى خراب امسدا...الله والنبى عنى سوق ارحالك
القيتنى ارهيف قلب ماانتحدا ...فيك الهلايع وهن اسرار جمالك
امعاهن سرحت اسروح للى مده...وقول خاطرى نادر قليل امثالك
وقول خاطرى والعقل باعد مدا ...وعدن معاييرك وصاغ مقالك
معيارك ذهب زينك الزين تعدا...وان شاورتنى نرجاء بزوغ اهلالك
ماني خاطي .. معاك يا عزيز وما نفضت أرباطي
ولا أديرلي بين العباد طواطي .. خليهن معانا واضحات علالك
وقرب أنحطو على الحروف نقاطي .. والزايد أنشيلو ما أيجي في بالك
بو عقل ما يخطى معاه الخاطي .. وبوجال لا ترمي عليه جلالك
ياعزيز ماظنى خطاء درنالك... حتى امجامله رحب وقول اشحالك